O noso equipo masculino, tras conseguir o pasado xoves a clasificación para a histórica Bandeira da Kontxa, estivo onte competindo na primeira das dúas finais de dita bandeira.
Con Orio, Zierbena e Hondarribia como contrincantes na segunda quenda, a nosa tripulación saíu polo primeiro carreiro. Este adoita ser un dos menos desexados debido ás súas características presuntamente desfavorables respecto aos outros.
A nosa tripulación foi case desde o comezo fora da loita das outras tres embarcacións. A súa regata convertiuse nunha contrarreloxo por mellorar os tempos dalgún dos equipos da quenda anterior.
Finalmente o crono parou nos 20.38, tempo que lle serviu para superar a Zarauz e afianzarse na sétima posición.
Próximas competicións
O próximo domingo, co mesmo horario as mesmas embarcacións estarán desputando as segundas finais, onde se decidirán cales son as embarcacións campionas da Kontxa feminina e masculina.