VII BANDEIRA CIDADE DA CORUÑA // BANDEIRA FEMININA CONCELLO DE BUEU
A Liga Euskotren, como ven sendo habitual os últimos anos, esteouse nas augas do Orzán da Coruña. A nosa tripulación saía polo primeiro carreiro acompañada de Tirán, Orio e Arraun Lagunak. As nosas remeiras asentáronse no terceiro posto desde a saída, posto que mantiveron ata o final da regata, rematando sextas na clasificación xeral. Ademais, a nosa remeira canteirá Lucía España debutou na categoría absoluta, facéndoo na máxima cateogría do remo feminino.
O domingo en Bueu a tripulación tivo dous cambios, entrando Dunia Villanustre e Ana Belén Yáñez. Desta vez, o noso equipo rematou sétimo, asentándose na sétima posición na clasificación xeral.
VIII CIDADE DA CORUÑA // III BANDEIRA CONCELLO DE BUEU
A Liga Euskolabel tamén arrancou na Coruña, partindo a nosa tripulación da segunda quenda cuns rivais duros. A nosa tripulación a pesar dunhas boas sensacións no barco, estivo detrás en tempos comparados coa anterior quenda. Finalmente, esta foi quen de rematar en décimo posto.
O domingo en Bueu, integrando os cambios de Gabriel Arcos e Sergio García, a nosa tripulación partía da primeira quenda. Despois de facer a primeira maiobra en segunda posición, estes colleron cabeza de regata, dominando a quenda e rematando oitavos na clasificación xeral da regata. Con isto, o noso equipo sae na novena posicións xeral.
VI BANDEIRA CIDADE DE NARÓN
A embarcación LGT-A tamén comezou a liga esta fin de semana, cunha única data en Narón. Debido a problemas co campo de regatas a proba desputouse en formato contra o reloxo. O noso equipo foi quen de manter o nivel e rematar oitavos por un pequeno marxe. Ademais, os nosos remeiros xuvenís Hector Fachado, Jorge Pouso, Roi Fernández e Roque Carmona fixeron o seu debut na categoría absoluta.